KO 'ETAU NGAAHI LESONI KI HE SAPATE 23/11/14

KO ‘ETAU NGAAHI LESONI KI HE SAPATE 23/11/14
 
(…kiate kimoutolu ‘oku mo’umo’ua homou taimi…pe faingata’a ke to’o mai ‘etau Tohitapu ke lau…pe manako ke lau Folofola…pea teuteu malanga….ko e ‘uhinga ia hono fakafaingofua’i atu ‘etau Folofola ke tokoni pe ki he ngaahi tukunga takitaha…..ka faingamalie pea ke kataki ‘o ma’u taimi mai ke laulau ‘etau ngaahi lesoni…)
 
Same 100
 
(Ko e Same ki he feilaulaufakafeta ʻi)
 
MOU mavava ki he ʻOtua e, ʻA e ngaahi fonua kotoa pe. 2 Tauhi ʻa Sihova ʻaki ʻa e fiefia: Hu ki hono ʻao mo e kaikaila. 3 ʻE, ke mou ʻilo muʻa Ko Sihova pe ko e ʻOtua: Ko ia naʻa ne ngaohi kitaua, Pea ko kitaua ʻoku oʻona; ʻIo, ko e kakai aʻana, Ko e sipi ʻoku ne fafanga. 4 Mou hu hono ngaahi matapa he fakafeta ʻi, Hu hono ngaahi lotoʻā mo hono hiva ʻi: ʻIo, mou sani pe ia, Fakamalo ki hono huafa. 5 He ʻoku lelei ʻa Sihova; ʻOku taʻengata ʻene ʻaloʻofa; Pea tuʻu maʻu ʻene fuakava Ki he toʻutangata mo e toʻutangata.
 
‘Isikeli 34 :11-16, 20-24
 
11 Tala atu ko eni ʻa e folofola ʻa Atonai Sihova: Ko au ʻeni te u ʻeke ʻe au ʻeku fanga sipi, pea te u 12 tokangaʻi kinautolu ʻe au. Hange ko e tokanga ʻa e tauhi ki heʻene takanga ʻi he ʻaho ʻoku ne hoko ki he lotolotonga ‘o ʻene fanga sipi kuo movete, ʻe pehe ʻeku tokangaʻi ʻeku fanga sipi; pea te u fakahaofi kinautolu mei he ngaahi potu kehekehe ne veteki kinautolu ki ai ʻi he ʻaho naʻe ʻaoʻaofia mo fakapoʻuli tuʻu. 13 Pea te u fakahu kinautolu ki tuʻa mei he ngaahi kakai, pea te u tanaki kinautolu mei he ngaahi fonua, pea te u ʻomi kinautolu ki honau kelekele, pea te u fafanga kinautolu ʻi he ngaahi moʻunga ʻo Isileli, ʻi he ngaahi teleʻa, pea ʻi he potu fonua kotoa pe ʻoku nofoʻanga. 14 Te u fafanga ʻa kinautolu ʻi ha potu meʻakai lelei, ʻio ʻe he ngaahi moʻunga maʻolunga ʻo Isileli ʻe tuʻu ai honau kaikaiʻanga: ko e potu ko ia te nau takoto ai ʻi ha kaikaiʻanga lelei, ʻio ko e potu mahu te nau kaikai ai ʻi he ngaahi 15 moʻunga ʻo Isileli. Ko ia te u fafanga ʻeku takanga ʻe au, pea ko au te u fakatakoto kinautolu — ko Atonai Sihova ia mei he Taʻehamai. 16 Ko ia kuo mole te u kumia, pea ko ia ne seseʻe te u fakafoki mai, pea ko ia kuo lavea te u haʻihaʻi, pea ko ia kuo vaivai te u ʻai ke malohi: ka ko ia ʻoku sisino mo malohi te u tamateʻi; teu fai fakalao ʻeku tauhi 17 ʻaku. …20 Ko ia ko e folofola ʻeni ʻa Atonai Sihova kiate kinautolu: Ko au ʻeni te u fakatonutonu ʻe au ʻa e vahaʻa ʻo e sipi sino mo e sipi tutue. 21 Ko e meʻa ʻi hoʻomou tuaʻi ʻaki ʻa e vakavaka mo e uma, mo tuiʻi ʻaki homou nifo ʻa e vaivai fuape, kaeʻoua ke ʻosi honau kapusi ki tuʻa; 22 ko ia te u tokoni ki heʻeku fanga sipi, pea ʻe ʻikai te nau toe hoko ko e meʻa ke vetea; pea te u fakatonutonu ʻa e vahaʻa ʻo e sipi mo e sipi. 23 Pea te u fokotuʻu ke pule kiate kinautolu ha taha ʻi tauhi, ʻa ia te ne fafanga kinautolu; ʻio, ʻa ʻeku sevaniti ko Tevita; ko e toko taha ko ia te ne fafanga kinautolu, ʻio, ʻe 24 nofo ia ko honau tauhi. Pea ko au Sihova te u nofo atu ko honau ʻOtua, pea ko ʻeku sevaniti ko Tevita te ne ʻeiki ʻi honau lotolotonga: ko au Sihova kuo u tala ia.
 
‘Efeso 1 :15-23
 
15 Ko ia ko au foki, ʻi heʻeku fanongo ki hoʻomou tui ki he ʻEiki ko Sisu, mo hoʻomou ʻofa ki he 16 kainga lotu kotoa pe, ko ia ʻoku ʻikai tuku ai ʻeku fakafeta ʻi koeʻuhi ko kimoutolu, mo ʻeku takua kimoutolu ʻi heʻeku ngaahi 17 lotu; ke ʻofa ʻa e ʻOtua ʻo hotau ʻEiki ko Sisu Kalaisi, ko e Tamai ʻoku aʻana ʻa e langilangi, ke ne ʻofa ʻo tuku kiate kimoutolu ha laumalie fakapoto, mo fakaʻilo meʻa mei he taʻehamai, ke ngaūe ʻi he 18 ʻilo ʻi lelei ʻo ʻEne ʻAfio; kuo fakamaama kimoutolu, ʻa e mata ʻo homou loto, ke mou ʻilo pe ko e ha ʻa e ʻamanaki ʻoku tupu mei heʻene ui, pea ko e ha hono lahi faufau ʻo e langilangi ʻia ʻo hono tofiʻa, ʻa ia ʻoku maʻu ʻe he kau maʻoniʻoni, 19 pea mo hono lahi ʻi he lahi ange fau o ʻene mafimafi, ʻa ia ʻoku ngaūe maʻatāutolu ʻoku tui; ʻa ia ʻoku hoa mo e ngaūe tōtōivi o ʻene 20 mafimafi, ʻa ia naʻa ne fai ʻia Kalaisi, heʻene fokotuʻu ia mei he pekia, mo ne fakanofo ia mei hono toʻomataʻu 21 ʻi he ngaahi feituʻu ʻo Langi, ʻo maʻolunga ʻi he faʻahinga pule kotoape, mo e maʻu tuʻunga, mo e maʻu malohi, mo e tuʻunga ʻeiki, ʻio, ʻi he hingoa kotoa pe ʻoku hingoa ʻaki ʻi he tuʻu ko eni, pea ʻikai ngata ai, ka ʻi he tuʻu foki ka hoko mai; 22 pea naʻa ne tuku ke ʻi he lalo vaʻe oʻona ʻa e meʻa kotoa pe; pea ne foaki ia ke ʻulu ki he Siasi ʻi he meʻa 23 kotoa pe; ʻa ia ko hono sino tofu pe ia, ko e nofoʻanga ʻo e katokātoa ʻo ʻEne ʻAfio, ʻa ia ʻoku ne fakafonu ʻa e ngaahi meʻa kotoa. pe ʻaki ʻenau ngaahi meʻa.
 
Matiu 25 :31-46
 
31 Ka ʻo ka ʻiloange ʻe hoko mai ʻa e Fanautama ʻa Tangata, kuo ne ʻai hono nāunau, pea haʻofia ia ʻe he kau angelo kotoa pe, te ne toki nofo ʻi hono taloni langila- 32 ngiʻia: pea ʻe fakatahataha ki hono ʻao ʻa e ngāhi kakai kotoa pe; pea te ne vaheʻi kinautolu, ʻo hange ʻoku vaheʻi ʻe ha tauhisipi ʻa e fanga sipi mei he fanga kosi: 33 pea te ne fokotuʻu ʻa e fanga sipi mei hono toʻomataʻu, ka ko e fanga kosi mei hono toʻohema. 34 Pea ʻe toki folofola ʻe he Tuʻi kiate kinautolu ʻi hono toʻomataʻu, Omi kimoutolu, ʻa e faʻahinga kuo fakamonuʻia ʻe heʻeku Tamai, ʻo mou hoko ki he puleʻanga kuo toka teuteu moʻomoutolu 35 talu e tanu pou ʻo mamani: he naʻa ku fiekaia, pea mou ʻomi haʻaku kai; naʻa ku fie inu, pea mou ʻomi haku inu; naʻa ku ʻāunofo, pea mou fakaafeʻi au; 36 naʻe ʻikai haku kofu, pea mou fakakofu au; naʻa ku mahaki, pea mou omi hoku vakai; naʻa ku ʻi he pilisone, pea mou aʻahi mai. 37 Pea ʻe toki tali ʻa e kau fai lelei, ʻo pehe, ʻEi, ʻanefē haʻamau ʻilo koe ʻoku ke hālofia, pea mau tauhi ange? pe fie epu pea mau 38 ʻatu ha epu? Pea ʻanefē haʻamau ʻilo koe ʻoku ke ʻāunofo, pea mau fakaafe, pe taʻe kofu 39 pea mau fakakofu? Pea ʻanefē haʻamau ʻilo koe ʻoku ke tengetange, pe moʻua ʻi he pilisone pea mau aʻahi atu? 40 Pea ʻe tali ʻe he Tuʻi, ʻo ne folofola mai, Ko au e, ʻoku ou talaatu, ʻi hoʻomou fai pehe ki ha taha ʻo hoku ngāhi tokoua mamaʻo ni, naʻa mou fai ia kiate au. 41 Te ne toki folofola foki kiate kinautolu ʻi he toʻohema, ʻAlu meiate au, ʻa kimoutolu kuo malaʻia, ki he afi taʻengata ʻa ia ne teuteu ma ʻa e Tevolo mo ʻene 42 kau angelo: he naʻa ku fiekaia, ka naʻe ikai te mou ʻomi haʻaku kai; naʻa ku fie inu, ka naʻe ʻikai 43 te mou ʻomi haku inu; naʻa ku ʻāunofo, ka naʻe ʻikai te mou fakaafe au; naʻa ku taʻekofu, ka naʻe ʻikai te mou fakakofu au; naʻa ku mahaki, pea moʻua ʻi he pilisone, ka naʻe ʻikai te mou omi haku vakai. 44 Pea ʻe toki tali mo kinautolu, ʻo pehe, ʻEi, ʻanefē haʻamau ʻilo koe ʻoku ke hālofia, pe fie epu, pe ʻāunofo, pe taʻekofu, pe tengetange, pe moʻua ʻi he pilisone, ʻo ʻikai te mau tokoni atu? 45 Pea te ne toki tali kiate kinautolu, ʻo pehe, Ko au e, ʻoku ou talaatu, Ko e ʻikai te mou fai pehe ki ha taha ʻo e faʻahinga mamaʻo ni, ko e ʻikai ia te mou fai kiate au. 46 Pea ʻe ʻalu atu ʻa kinautolu ni ki he tautea taʻengata: ka ko e fai lelei ki he moʻui taʻengata.
“………….Koe Folofola tonu ia ‘ae ‘Eikii……”