Government denies lawyer’s claims PM Adern accused Jenny Salesa of under-performing

    Kuo faka'ikai'i 'e he ōfisi ‘o e palēmia Nu'u Sila ki he Kaniva’ e pehē ne 'i ai tokua ha lau 'a Jacinda Ardern ‘o pehē ne fakahifo 'a e Fakafofonga Fale Alea Tonga ko Jenny Salesi mei he kapineti' koe'uhi ne 'ikai sai 'ene fakahoko fatongia' pea kuo tuli ai ia mo ‘akahi ki tu’a mei he kapineti’. Ko ha konga ‘eni e fakamatala ne fakahoko ‘e Loea Nalesoni Tupou he Feisipuka’. Pehē ‘e he sekilitali fakataautaha ‘a Ardern toko taha ‘eni ko Andrew Campbell ki he Kaniva’ na’e ‘ikai tonu e fakamatala ‘a Tupou’. Pehē ‘e Campbell te ne feinga ke fetu’utaki kia Tupou pe ko ‘ene ma’u ‘a e fakamatala ko ia’ mei fe? Na’e toe ‘omai ‘e Campbell ki he Kaniva’ ‘a hono hiki tatau (transcripts) ‘o hono ‘initaviu ‘e he letiō Nu’u Sila’ ‘a Ardern fekau’aki mo Salesa. ‘Oku ‘asi ai ‘a hono fakamahino ‘e Ardern ne ‘osi talanoa femahino’aki mo Salesa ‘e ‘oange ha halafononga ‘e taha kiate ia ‘o hangē ko hano fokotu’u ia ke tokoni pe ‘asisiteni sea ‘he Fale Alea’. ‘Oku mafai ‘a e pule’anga Leipa’ ke fokotu’u e lakanga ko ia’ fakataha mo e tokoni pe tepiutī sea’. Kuo toe ‘i ai mo e lakanga ‘e taha ‘e ‘oange kia Salesa ke kau ‘i he kōmiti fili ‘a e Potungāue Va’a ki Muli mo ha tu’utu’uni kiate ia ke ne fakafefeka’i e fetu’utaki ‘i he vā ‘o Nu’u Sila mo e ngaahi Fale Alea ‘o e Pasifiki’. Kaekehe ne fakamatala’i foki ‘e he mtia’ ‘a Salesa mo e minisitā ‘e taha ko Phil Twford ko e ongo ua ia ne na ulungia lahi taha ‘i hono toe fokotu’utu’u fo’ou e Kapineti’ mo pehē ne matu’aki ‘ikai pe toe pehē atu ko e hā ‘a Salesa. Na’e fakaanga’i ‘a Salesa ‘e he paati hoa ngāue ‘o e Leipa ko e ACT mo e ngaahi kupu ‘o e ngaahi ngāue'anga langa' ’ ‘aki ‘enau fakamatala’i ‘o pehē ne fu’u faingata’a fau e founga ki hano ma’u ha ngofua ki he langa’.


    There’s More To This Article


    But you don’t have full access to read it. Subscribe now to unlock it and more…


    See Offers
    Already have an account?
    Sign in

    Comments are closed.