Fasting tour scandal: PM is more dangerous than virus claims Moala; Tu’i’onetoa describes critics as wife beaters

    Pehē 'e Kalafi Moala 'oku fakatu'utāmaki ange Palēmia' ia 'i he vailasi kolona' pea 'oku lahi 'a e ngaahi me'a kuo ‘ohake ‘i hono pule’anga’ 'oku 'ikai lea mo'oni ia ai. Na’a’ ne toe tukuaki’i ko e koto fakamole pa’anga ‘a e lotu ‘aukai fakafonua ‘a e palēmia kuo tukuaki’i ‘e he kakai' ko e sipinga tonu ‘o e lotu fakafālesi mo e taumu’a kemipeini mo tānaki koloa. Na’e toe tukuaki’i ‘e Kalafi ko e tangata maumau fuakava ‘a e Palēmia’. Na'e toe 'ohake foki 'e he fakafofonga Tongatapu 4 Māteni Tapueluelu 'a hono fehu'ia hono totongi 'e he pule'anga’ e vahe e ngaahi hoa e kau minisitaa' 'i he'enau folau ki he 'otu motu 'i he tua 'a e pule'anga'. Kuo mamahi lahi heni 'a e 'Eiki Palēmia' 'o 'omi ha'ane 'ohofi fakafo'ituitui 'o Kalafi 'o pehē 'oku nofo pe 'o fakaanga ange ki hono pule'anga 'ikai ke ne 'eke ange ha fakamatala 'e fie ma'u. Pehē 'e Pōhiva Tu'i'onetoa 'oku 'ikai ko ha taha 'a Kalafi ke fai ha falala ki ai he ko 'ene ngaahi pisinisi kotoa ne 'ikai ola lelei. Ne hoko atu e Palēmia’ ‘o pehē ko hono kau fakaanga’, neongo ne ‘ikai ke ne fakahingoa mai, ko e kakai tā mali mo e ni’ihi kuo nau maumau’i ‘enau fuakava mali’. Na'a ne fakatokanga ke tuku 'enau ta mali na'a iku onau ngāue pōpula ai. Na'e pehē 'e he Palēmia’ ko e vahe ka folau ha uaifi 'o ha minisita ki he 'otu motu' ko e $95 ki he 'aho. Ko ‘ene fakamatala ‘eni ka kuo te'eki ai faka'ikai'i mai 'e ia pe ko e kau minisitaa' 'a hono 'eke pe ko e mo'oni na'e totongi mei he tukuhau 'a e kakai' ha vahe ko e pa'anga folau 'a e ngaahi uaifi 'o e kau minisitaa'. Na’e ‘eke ki he Minisitā Lao Le’ole’o’ pe ko e mo’oni e fakamatala ki hono totongi e ngaahi uaifi’ pea ‘ikai ke ne faka’ikai’i ka ne pehē ki he Kaniva’ ‘oku ‘ikai hano uaifi ‘o na ke ne ‘ilo pe ko hai na’a’ ne totongi’.


    There’s More To This Article


    But you don’t have full access to read it. Subscribe now to unlock it and more…


    See Offers
    Already have an account?
    Sign in

    Comments are closed.