A final word – for the moment – on conflicts of interest, quarry contracts, public perceptions and not learning from ‘Akilisi Pōhiva’s mistakes

‘Oatu pe ki’i fakamatala to’o konga lalahi ko ‘eni mahalo na’a ‘aonga ange ia ki he kau laukonga faka-Tonga’ - ‘A ia ‘oku peheni. Oku ‘ikai fiema’u ia ke toki maumau'i 'e taha ha lao ka e toki lau kuo hoko 'a e me'a ko 'eni 'oku ui ko e conflict of interest. ‘E ‘osi fe’unga ‘ānoa pe ‘a hono fakamahino kuo ‘i ai ‘a e felālāve’i fakapisinisi, fāmili, pe taautaha mo e sino faitu’utu’uni’ ke lau kuo hoko ‘a e fepaki ‘o e fiema’u’ pe COF. Ko e fakatātā lelei ki heni ne ‘osi ‘oatu pe ki mu’a he ‘atikolo Commentary ‘a e Kaniva’ fekau’aki mo e Palēmia ‘o Tunisia ne fakafisi ‘uhi pe ko e COF. Ne ‘ikai ke ne fai ‘e ia ha hia pe maumau’i ha lao ngāue kākā makehe mei he’ene maumau’i pe ‘a e COF. Na’a ne maumau’i ‘e ia ‘a e COF koe’uhī he ne ‘i ai hono sea (‘inasi) ‘o na he kautaha ne foaki ki ai ‘a e konituleki lauimiliona ‘a e pule’anga’. Ko e me’a ia ‘oku ui ko e hoko tonu ‘a e COF ‘o hange tofu pe ko e me’a ko ‘eni ‘oku hoko he felālāve’i ‘a e kau konitulekitoa uta maka ko ‘eni ‘i Tonga’ mo e pule’anga ‘o Tu’i’onetoa. Ne ‘i ai e faka’uhinga ‘a e Palēmia’ Pōhiva Tu’i’onetoa ki he COF ne natula peheni hono fakalea’ – “Kapau ‘e fai ‘etau fa’ahinga faka’uhinga fakaTonga ko e ‘uhinga ‘o e conflict of interest ko e ‘ai fakapone pea ta ‘e ‘ikai toe ma’u faingamālie ha taha ia hato foha pe famili ‘oku nau totonu ki ha fo’i ngāue he fa’ahinga faka’uhinga ko ia’.” ‘I he anga ‘o e vakai’ ‘oku tōnounou e faka’uhinga ia ko eni fakalōsiki mo ‘ēfika ‘aki eni. Kapau ‘e fulihi e fo’i faka’uhinga’ ni ‘o ‘ai ki he kakai ‘oku nau fe’auhi mo ha ni’ihi kuo ‘i ai hanau fāmili pe maheni tonu ‘o kinautolu he kau faitu’utu’uni pe ko hai te ne ma’u ha faingamālie ki ha fo’i ngāue pea ‘e peheni leva ‘a e faka’uhinga, ‘o hangē ko e faka’uhinga ‘a Tu’i’onetoa’ – Ta ‘e ‘ikai toe ma’u ‘e taha kehe ia ha fo’i ngāue ‘oku ‘i ai ha’ane totonu ki ai ‘e ma’u pe ia ‘e kinautolu ‘oku ‘i ai honau fāmili pe tautonu pe felave’i maheni pe fakangāue mo e kau faitu’utu’uni’. Hangē ko e lea Tonga’ ko e ‘Umu Po’uli Kae ‘I ai Ho’ota! Ne toe ‘i ai mo ‘ene faka’uhinga ‘e taha ‘o pehe ko e me’a mahu’inga pe ke muimui ki he fakalea ‘o e lao’ pe word of the law. ‘Oku ta’ekakato ‘a e faka’uhinga ko ‘eni he ‘oku ‘i ai mo e me’a mahu’inga ko e spirit of the law. ‘Oku ‘i ai ‘a e laumālie ‘o e lao ‘oku ‘ikai fa’a makupusi ia ‘e he mata’i tohi kuo tohi’i’aki ‘a e kupu’i lao’. ‘E toki fakaa’u ‘a hono ‘uhinga’i ‘o e lao’ ‘i hano vakai’i ‘a e laumālie na’e tu’unga ai hono fatu’ mo e me’a na’e taumu’a ki ai ke ne ta’ofi ‘oua na’a hoko ai ha maumau hange ko e fakakaukau ‘o e COF. ‘Oku 'ikai ko ha fakakaukau lelei ‘a e fa’ahinga faka’uhinga leva ‘oku hā mei he ‘Eiki Palēmia’ ke ma’u ‘e ha kau ma’u mafai hangē ko ia’ he malava ke 'i ai e taimi ia te nau mafaifai hono fa’u ‘a e ngaahi polosēki ‘a e pule’anga ‘o taumu’a pe ke fakatoli’a e fiema’u ‘a honau ngaahi famili tonu, maheni, kakai ‘oku tokoni fakapa’anga kia kinautolu ‘i he ‘uhinga fakapolitikale ‘o tatau pe ia pe ‘oku nau ma’u ‘a e taukei pe pōto’i ki he ngāue ko ia’ pe ‘ikai.


There’s More To This Article


But you don’t have full access to read it. Subscribe now to unlock it and more…


See Offers
Already have an account?
Sign in