Tukuaki’i mamafa ‘oku taki mu’a pe kau ma’u mafai he tivisione ‘a e MAFF ki he Me’atokoni ‘i hono maumau’i e lao ki hono tokangaekina ‘o e me’akai koe’uhi ko e malu mo e hao ‘a e kakai. Ko ha ngaahi kane pulu ne ‘ave ki Vava’u he uike kuo osi ne ‘uli ‘aupito ‘a e ‘ū kane ne fa’o ai, toe ‘ikai hano leipolo ka ne kei faka’atā pe ia ‘e he kau ma’u mafai ‘o e potungāue’ ni ke tuku ki tu’a ke ‘ave fakatau. Kuo hulu atu ‘i he tu’o tolu ‘a hono lāunga’i ‘o e ngaahi fale koloa ne nau mate ‘oatu ha me’akai ‘ekesipaea ‘o fakatau ka ne te’eki pe fai hano faka’ilo kinautolu ko eni. Ko e maumau lao kotoa ‘eni ‘oku tukuaki’i ki he kau ma’u mafai ‘o e MAFF. Fakatatau ki he Lao Me’akai ‘a Tonga 2014 kuopau ke tauhi e haisini ‘a e feitu’u ‘oku ngaohi ai ‘a e me’akai kau ai mo e me’akai’ mo hono ‘ai’anga, ‘oku tapu foki ke fakatau ‘i Tonga ha koloa me’akai ngaohi ta’e ‘i ai hano leipolo ke fakamatala’i ai ne ngaohi ‘e hai pea ‘e ‘osi hono taimi ‘a fe, pea ko e fakatokanga ki ha taha ‘oku ne maumau’i e lao ‘o e koloa me’akai ngaohi’ ‘e tu’o tolu pe pea ka ‘ikai ‘e faka’ilo leva. Na’e fakamahino ‘e he CEO ‘o e Me’akai Dr Viliami Manu ‘a e ngaahi lao ko ‘eni mo e fatongia ‘o e potungāue ke tokanga’i e hao ‘a e me’akai ki he kakai.
The arrival of a shipment of what appears to be dirty plastic buckets full of salted beef in Vava’u without product labels caused disagreements between authorities at the Puatalefusi wharf last week. Neiafu Town Officer Vāvā Lapota insisted the 18 commercial products should have been confiscated because they did not show expiry dates. He said…
Comments are closed.