[maxbutton id=”2″] Laboratory machines worth TOP$137,000 which were used in New Zealand and the UK to test whether a patient has contracted the coronavirus were expected to start arriving in Tonga tomorrow April 8, the Ministry of Health said. But the machines could not be used until later this month when the PCR testing machine…
Tonga to use rapid new viral coronavirus test machines
‘Oku ‘amanaki ke a’u mai ki Tonga ni kamata ‘apongipongi ‘Epelei ‘aho 8 ‘a e ongo mīsini ‘e malava ke sivi ‘aki (test & screening) ‘a e Koviti-19. ‘Oku ‘iloa e misini ko eni ko e PCR pe polymerase chain reaction testing. Fakatatau ki he Pule ‘o e Falemahaki Vaiolá Toketā ‘Ana ‘Akau’ola, kuo ‘osi fakahoko ‘a hono fakatau ‘a e ongo me’a siví pea ‘oku ‘omai ‘a e taha mei Nu’usila pea ko e mīsini leva ‘e taha ‘oku ‘omai ia mei Pilitānia. Na’a ne pehe ko e me’a sivi ko ‘ení ‘oku ne lava ‘e ia ‘o fakahoko ‘a e fo’i tesi ‘e 96. ‘A ia ‘oku tatau ia mo e ngaahi me’a sivi ‘oku ngāue’aki ‘i Fisí ka ‘e fakatatali pē ‘a e hono ngāue’aki ‘a e me’a siví ke a’u mai mo e me’a sivi mei Pilitāniá. ‘I he’ene fakamatalá ko e me’a sivi ‘oku fakafolau mai mei Pilitāniá ‘oku fakafuofua ke a’u hake ia ki Nu’usila ‘i he ‘aho 17 ‘o e mahina ni, pea ‘e toki fakaheka mai ki Tonga ni. Ko e me’a sivi ko ‘ení ‘oku ‘omai fakataha ia mo e testing kits ‘a ia tene lava ‘e ia ‘o fakahoko ‘a e fo’i tesi ‘e 17 ‘i he taimi pē ‘e taha.