OPINION: Interim board’s decision insults coach and players and infuriates Mate Ma‘a’s loyal fans

Ko e tootoo konga lalahi eni mei he fakakaukau kuo tohi atu i lalo i he fakamatala fakapālangi: Kuo faka’ita’i lahi ‘e he tu’utu’uni ‘a e poate fakataimi ‘a e kau poupou faivelenga mo māfana faufau ‘o e Mate Ma’a Tonga. Ko e uhinga kuo ‘omai ‘e he sea fakataimi’, Siaosi Koloamatangi, ‘oku fu’u vaivai ia ke fai ai hano tuli ‘o e faiako. Me’a ni’ ne ‘ikai mei lava ke nau veteki fakalelei pe ‘eni ‘i loto ‘oua ‘e tuli ‘a e faiako ‘o hoko ai ke faka’ita’i e kau va’inga? ‘E lava nai ‘e he poate fakataimi’ ‘o toe fa’u ha fo’i timi tu’u ki mu’a kuo a’u ‘enau va’inga’ ‘o ‘ikai toe lau ai e Mate Ma’a Tonga’ ko ha timi mei he Pasifiki’ ka kuo taku ia ko e timi fakavaha’apule’anga’. Ko e tā pupuha mo e feilaulau ‘a e tamaiki va’inga, ‘o tuku ange ‘a e pa’anga lau mano ne nau mei ma’u kae omi ki Tonga ‘o mālō pe ma’u ha vahe ai’, ‘oku hala’atā ha’ane hounga ‘e taha ki he poate ko ‘eni. Ko e poupou vela māfana ‘a e kau poupou’ tautefito ki Nu’u Sila na’a’ ne fakalotolahia ‘a e kau pule liiki fakavaha’a pule’anga’ ke toe fokotu’utu’u ha ngaahi tau lahi ange ma’a e MMT mo Nu’u Sila mo ‘Aositelēlia. Ko e fakalakalaka lahi ia ki hono teke e liiki ‘a Tonga’ ka ko e talu e hū mai ‘a e poate fakataimi’ mo e hangē kuo hōloa’ e poupou ‘a e kakai’ pea ko e tumutumu ‘eni kuo a’u ki ai ko e momoko ka ko ha momoko e kau poupou’. ‘Oku kei taimi pe ke fakakaukau’i ‘e he poate takataimi’ ‘enau tu’utu’uni’ pea fai ha me’a ki he lelei fakakātoa’.