Acting Speaker makes u-turn, saying no gov’t bills to “remove” king’s power after government’s plan to take legal action against him

Faka’ohovale me’a Sea Le’ole’o' Looti Tu'ilakepa ‘i Fale Alea pehē ko e lao fakaangaanga lelei pe ia ne fakahū ange ‘e he pule’anga’ pea’ ne ‘ikai ha lao ia ai ke to’o e mafai ‘o e tu’i. Ko e konga ‘eni ‘a hono lekooti hangatonu ‘ene ngaahi me’a’: “Te’eki ke ‘asi ‘i Fale ni te u fakahoko atu kia moutolu Hou’eiki ‘oku te’eki ke tau ’asi ‘i Fale ni ha Lao he Lao ko eni ‘o pehē ha Mēmipa na’e liliu ‘a e mafai e Tu’í. Te’eki ke ‘asi ia. Ko e ‘asi ia mei he talanoa telefoni ko ē na’e kamata he consultation ko ē ‘a e Pule’angá ‘a ia ko e talk back ‘i he telefoni ‘o ‘alu aipē ia ‘o hangē ha fo’i mo’oni’i me’a ‘a e fakakaukau ko iá. Na’a’ ne toe hahanu foki ‘i Fale Alea he mahino kuo kamata e ngāue ki hono faka’ilo ia ‘i he tui ‘a e pule’anga’ oku ta’e fakakonisitūtone ‘a hono lakanga ko e Sea Le’ole’o ‘o e Fale Alea’. Ko ‘ene me’a ‘eni: “‘Ka ke fakamolemole pē ki he Feitu'ú na ko e hā koā e me’a ‘oku mou to e ‘ai ai ke tau to e ō ‘o fakatonutonu ‘oku ‘ikai ke ‘i ai ha pa’anga ‘e mole he fonua ni. Kapau na’e ‘i ai ha’aku tu’utu’uni ‘o mole ha pa’anga e fonua ni pea ‘oku totonu pasika pea ‘oku totonu ke ‘ave e motu’a ni. Ko e tu’utu’uni fakangaue pē ia.