Trainer says his story twisted; TBA denies politics involved in decision to drop boxing winners for Pacific Games

Tukuaki'i 'e he faiako fuhu mei Nu'u Sila ko Fili Maka ko e 'uhinga na'e fakatooki ai 'ene kau fuhu hau mo mētali koula mei Nu'u Sila 'ikai 'ave 'e Tonga ki he Pacific Games māhina ka tu'u' koe'uhī ko 'ene 'alu mo 'ene timi' 'o 'a'ahi ki he 'Eiki Palēmia' 'Akilisi Pōhiva. Na'e 'ikai faka'ikai'i 'eni mei he 'asosieisini fuhu 'a Tonga' ka ne nau pehē 'oku 'ikai kau 'a e politiki' 'i he 'āsenita ngāue 'a e kautaha'. Ko Sione Mōleni ko e hau ia 'i hono pāuni pea mo Megan Maka ne 'osi mētali koula ia 'i he fuhu 'a e kakai fefine'. 'Oku 'ikai 'ave 'a e toko ua ko eni mo ha toko ua kehe 'o e kau fuhu 'a Fili'. Na'e fiema'u mei he kautaha fuhu 'a Tonga ke kole fakamolemole ange 'a Fili tokua he 'ena tō kehekehe mo e Sekelitali Seniale 'a e kautaha fuhu ko Mataele Fūnaki lolotonga ha tunameni fakafonua 'a e fuhu' ne fai 'i Tonga 'i Mā'asi. Ne pehē 'a Fili ne mamahi lahi koeuhi ko e 'ikai fai pau 'a e kautaha 'i Tonga' ki he'enau alea'. Pehē 'e Fili 'e 'ikai pe kole fakamolemole ia he ne 'ikai ha hala ia ne nau fakahoko' pea 'oku ne mateuteu ke tali ha fehu'i mei he kōmiti fuhu 'a Nu'u Sila mo 'Aokalani' 'a ia 'oku ne mēmipa ai. Pehē 'e Mataele kuo nau lāunga'i mai 'a Fili ki Nu'u Sila.


There’s More To This Article


But you don’t have full access to read it. Subscribe now to unlock it and more…


See Offers
Already have an account?
Sign in

Comments are closed.