Sports Council chair says RNZ wrong: King funding unqualified teams due to bad advice

Na’e fale’i hala e Tu’i’ fekau’aki mo e timi sipoti kuo pehē kuo’ ne fakapa’anga ‘aki ha pa’anga ‘Amelika ‘e $9,000 tokua he kuo tōnounou fakapa’anga e pule’anga’ ke fakapa'anga. Pea kuo tukuaki’i ‘e he Sea ‘o e Kosilio Sipoti ‘a Tonga’ na’e hala ‘a hono lipooti ‘eni ‘e he Letiō Nu’u Sila’ ‘o pehē ko e tokoni’i ‘eni ‘e he Tu’i’ ha tō nounou fakapa’anga mei he pule’anga ke fakapa’anga e sipoti ‘a Tonga. Kuo pehē ‘e he Sea' 'Ikani Taliai ko e timi ko ‘eni kuo taku ne tokoni’i ‘e he Tu’i’ ne ‘ikai ke nau paasi ‘i hono tesi’i kinautolu pe 'oku nau fe'unga ke nau fakafofonga’i ‘a Tonga he Keimi Pasifiki'. Pehē ‘e Taliai ko e timi kotoa ‘e 18 ne nau paasi hili hono tesi’i ke nau fakafofonga’i ‘a Tonga ki he Keimi Pasifiki ‘i Ha’amoa. Ko e timi ‘e 18 ne pāsi’ ne tokoni’i fakapa’anga kakato ia ‘e he pule’anga ‘enau ngaahi fiema’u ki he Keimi’ pea ne 'ikai ha tōnounou fakapa'anga 'a e pule'anga' ia he tokoni ko ia'. Ko e timi leva ‘e fitu ko ee’ ne ‘ikai ke nau ma’u ‘e kinautolu ha pa’anga mei he pule’anga’ koe’uhi he ne ‘ikai ke nau paasi pea ko e ngaahi timi ‘eni ‘oku lau ne tō folofola e Tu'i' te ne foaki ki ai 'a e me'a'ofa'. Pehē foki ‘e Taliai tukukehe ‘a e felotoi ke ‘i ai ha sitanitati pau ke fili’aki ‘a e kau sipoti 'e fe’unga’ ne kei fili pe ‘e he TASANOC ia ‘a e kau ‘atelita mo e ngaahi timi ne ‘ikai ke nau a’usia ‘e lēvolo na’e fiema’u'. ‘Oku maumau’i ‘e he founga ko ia' ‘a e TASANOC e feinga ko ‘eni fakalelei’i e sekitoa sipoti’ ‘i Tonga’, ko e lau ia 'a Taliai'.

The head of the Tonga Sport Council has denied a report by Radio New Zealand that His Majesty King Tupou VI is covering a shortfall in funding for the kingdom’s team at the forthcoming Pacific Games in Samoa. He said that because of inaccurate advice, His Majesty was in fact actually supporting teams which had…


There’s More To This Article


But you don’t have full access to read it. Subscribe now to unlock it and more…


See Offers
Already have an account?
Sign in