Cyclone Gita an opportunity to rebuild and make improvements, scholar says

'Oku 'i ai 'a e poupou fakalotolahi pehē ki ha fakahinohino 'a Sione Tu'itahi 'i he lea faka-Tonga 'i he konga taupotu ki lalo 'o e peesi ni hili 'a e talanoa 'i he lea 'Ingilisi.

Tropical Cyclone Gita, which struck Tonga in February, has given the kingdom an opportunity to rebuild, recover and tidy up in all aspects of life, according to a Tongan scholar.

Sione Tu’itahi, an educator, writer and Executive Director of the Health Promotion Forum of New Zealand, said people may realise their spiritual, psychological, cultural and economic lives would have to be reviewed after the cyclone.

He said these included people having to pray more and putting into practice the spiritual teachings like helping one another or loving their neighbour.

“As in past natural disasters, Gita can serve as a catalyst for Tongans to pull together at all levels, sharing meagre resources, thus practising once more their essential and ancient wisdom of reciprocity,” Tu’itahi said.

He urged people to never sleep, but wake up and do something such as reducing expenses and spending less.

Tu’itahi said this was an opportunity for Tongans to improve and do things better than before.

“We are in the days of tidying up, recovery and renewal,” he said.

“These are days of building a new nation,” Tu’itahi told Kaniva News.

“If the foundation is right from the beginning the new nation building will last long and advantageous.”

The damage caused by the cyclone had inspired Tongans living overseas to practice their ‘manava’ofa’ and love their homeland and kāinga.

“It teaches our children to renew their love and help one another in their circle of kāinga,” he said.

Donation and damage

As Kaniva News has reported, the government said overseas donors have so far donated TP$52.6 million to Tonga and the money would be spent on the recovery process.

In its latest report on March 11 on the state of Tonga after Cyclone Gita, NEMO said 819 households had  been destroyed and 3889 households damaged.

In its report in February it said the Tongan government, NGOS and overseas aid donors are working to clean up and restore services after cyclone Gita, but 205 families are still in evacuation centres and the country’s agricultural sector has been severely hit.

A 30 day state of emergency which was announced after the cyclone was extended last week for another 30 days.

Director of the National Emergency Management Office (NEMO), Leveni Aho, said the fisheries sector in Tongatapu and ‘Eua had been hit hard by Cyclone Gita.

About 40% of fishing boats were damaged and fish fences were damaged.

“By all accounts, overseas media were in awe of the positive attitude and prompt response of many Tongan families and communities to take the challenge by the chin and tarry not. Instead, they rose the day after to rebuild and recover.” Tu’itahi said.

“Sharing both material such as food, clothing and shelter, and tangible wealth, such as loving compassion and care at times of tragedies (and times of plenty too) is not only a Tongan strategy for survival, but is also a core practice for equitable nation building.

It is one for all and all for one. No one is left behind, and those with the least need forego their own needs for their neighbours, who might have suffered more.”

Swells and winds

Tu’itahi said he had seen how his experience had been put into practice after two strong tropical cyclones which struck Tonga in 1961 and 1982.

He said a tropical cyclone affected Ha’apai and Vava’u in 1961. Tongatapu and ‘Eua were not affected. He said the cyclone was not named as the meteorology system at the time did not name cyclones.

Crops, one of the main sources of food, were hugely affected.

In 1982 tropical cyclone Isaac struck Tongatapu and Ha’apai and caused less damage in Vava’u.

It damaged a causeway in Ha’apai as well as a wharf and the foreshore ofn Tongatapu. Huge waves spilled inland and severely flooded part of the western side of Tongatapu, Tu’itahi said.

Tu’itahi recalled two milestone reconstructions after these two tropical cyclone.

After the 1961 tropical cyclone people from the outer islands relocated to the mainland Tongatapu and cleared up a swampy area at the north of Haveluloto in Nuku’alofa before they settled there. Today, that suburb is a commercial hub, with children and grandchildren of those migrant families being well-educated, making leading contributions in many fields to building Tonga, Tu’itahi said.

A new town was built after cyclone Isaac in 1982 as an extension of Patanga village on the eastern side of Nuku’alofa. People who were affected during the storm were invited to settle the town now known as Popua.

Tu’itahi said he had seen great offerings and donations from overseas countries to Tonga in the aftermath of cyclone Isaac.

“This shows us God has made everyone of us to love and help one another. Because we are related and connected and that what would make the fonua became one with the world in peace.”

1 COMMENT

  1. Talanoa Tufunga Fonua – Konga Ono
    Hoko e Fakaevaha ko e Ako’anga
    Fa’u ‘e Sione Tu’itahi
    (Faiako, fa’u tohi mo faiongoongo pea kaungā taki he mala’e ‘o e mo’ui mo e langa fonua ‘i Aoteroa Nu’usila)

    Neongo ‘oku ongo e maumau lahi ‘a e Afaa ko Kita ki he kupu kotoa ‘o e kāinga, ka ‘oku hoko ma’u pē ’a e fakaevaha ko e faingamālie ke fakakaukaua’i ‘a e tui mo e loto e Tonga ke fekuki mo e faingata’a, ako mei ai, pea langa fo’ou e nofo mo e fonua.
    Ko e faingamālie ke langa fo’ou mo e fokotu’utu’u fo’ou ki he lelei ange he tapa kotoa ‘o e mo’ui: ‘a e mo’ui lelei ‘a e sino, ‘atamai, laumālie, koloa, anga fakafonua mo e ‘atakai pe ‘ulu fonua.
    Faka’ohovale ia ki he kau faiongoongo muli ‘a e loto-to’a ‘a e Tonga hono matatali e tafihu ‘a e afā mo e ‘ikai ke nau fakatatali ka nau tu’u leva ‘o fakamā’opo’opo, fakaakeake mo fakafo’ou.
    Ka ko e anga maheni ia ki he Tonga. Ko e faingata’a ko e ako’anga, ‘oku ne fakama’uma’uluta ‘enau tui. ‘O hangē ko e toe lahiange ‘a e lotu ki he tokoni ‘a e Ta’ehāmai, mo ‘enau nima homo kiate kinautolu ‘oku siva ange e ‘amanaki. ‘Oku ne sivi pe ‘oku kei mo’oni ‘etau ‘ofa ki hotau kaungāpi pe ‘ikai.
    ‘Oku ne o’i ke ‘oua e mohe ‘a e ‘atamai mo e loto kae poto pea fakapotopoto. ‘O hangē ko e hili e Afaa ‘o e 1961 pea hiki mai e kāinga tokolahi mei tahi ‘o tanu mo nofo’i e vaha’a vao anoano ‘o Haveluloto ki Nuku’alofa. Kuo hoko ia ko e fu’u kolo kaukaua he fefakatau’aki. Toe pē eni, ‘i he’eku vakai, ke nau tauhi hohoko ke ma’a, maau, faka’ofo’ofa, mo fakatupu mo’ui lelei. Pea ko e tokolahi ‘enau fānau he ngaahi ‘aho ni kuo ako lelei pea kau atu ki hono langa e fonua.
    ‘Oku ne hinoi’i ke toe fakafo’ou ‘a e fe’ofo’ofani mo fetokoni’aki he nofo ‘a kāinga, ‘o hangē ko ia ko e kamata ke holo e tokoni mo e ‘ofa mei ngaahi lotofale ‘o e Tonga ‘i tu’apule’anga.
    Ko e ‘ofa tatau na’a ku mamata ai he afā ko ‘Aisake he 1982. Ki he pa’anga mo e koloa mei ngaahi kāinga ngāue ta’emamohe he ngaahi houa lahi ‘i tu’apule’anga ne nau vaevaemanava ki si’onau ngaahi kupu he tukui kolo kotoa ‘i Tonga.
    Kātaki’i e Mama mo e Hopohopokia kae Lūsia ki Taulanga
    Hoko ma’u pē ngaahi ‘aho ‘o e fakaevaha ke hulu atu e ‘ofa mei muli ‘o tokoni ke fataki e tu’unga fefakatau’aki mo fakaekoloa ‘o Tonga. Ko e fa’ahinga ‘ofa ia ‘oku ne hinoi’i e fānau mo e makapuna tupu hake ‘i tu’apule’anga ke manava’ofa ki he kāinga pea ‘ofa foki ki he fonua tupu’anga ‘enau mātu’a.
    ‘Oku ‘ikai foki ko Tonga pē ’oku fai pehē. Ko hono mo’oni ko e anga fakaetangata mei he ‘Otua ke tau fe’ofa’aki mo fetokoni’aki. He ‘oku tau fekau’aki mo fekāinga’aki pea ‘oku taha mo melino ai e fonua mo māmani .
    Ko e ngaahi fonua tu’umālie he lolo ‘o e Hahake Lotoloto, ‘oku pitenga ai e kāinga mei ‘Esia he ngāue he ngaahi kumi’anga lolo mo e langa pea holo ‘enau ‘ofa ki honau ngaahi fonua hangē ko Filipaini, Pākisitani mo ‘Initia.
    Hangē pe ko e laui senituli ‘a e ‘auhē ’a e kāinga Siu mei ‘Isileli ki ‘Iulope pea nau toe hiki fonua ki ‘Amelika koe’uhi ko e ngaahi fakatanga tatau ‘o nau fakafonu he tafa’aki fakahahake, hangē ko Niu ‘Ioake. Kuo laui to’utangata ai ‘a e nofo ‘a e kau Siu ‘o ako mo langa ‘a ‘Amelika mo takimu’a he tapa kotoa he mo’ui. Pea nau tokoni foki he langa ‘o ‘Isileli. Ko e taha’i ‘uhinga ia ‘oku fafale pehē ai e kaume’a ‘o ‘Amelika mo ‘Isileli, neongo kotoa e ngaahi ngāngā’ehu he Hahake Lotoloto.
    Ko e fehikitaki ‘a e ngaahi kakai ko e konga pē eni ‘o e fehokotaki vāofi ‘a mamani ‘o taha. Tau toki ‘auliliki e fehikitaki ‘a ha’a tangata mo hono ngaahi mahu’inga ha ‘aho ka tau foki ki he Afā ko Kita mo hono ngaahi māfihunga.

    ‘Oua ‘e Lau Kafo kae Lau Lava
    Hangē ko e lave he kamata, ko e fakaevaha ko e ako’anga he tu’unga kotoa ‘o e nofo mei he taautaha mo e kāinga ki he kolo mo e fonua. Ko e ngaahi ‘aho ‘o e fakamā’opo’opo, fakaakeake mo e fakafo’ou. Ko e ngaahi ‘aho ‘o e tufunga fonua fo’ou. Ka tonu e tukufua ‘e tu’uloa pea taupeupe atu ‘a e langa fonua mo hono ‘aonga.
    Hangē ko eni, na’e hoko e fekolo’aki ‘a e ngaahi vahefonua ‘o Tonga he senituli 18 mo e 19 ke ake he loto mo e ‘atamai ‘o e ‘Uluaki Fā mo hono ngaahi leuleumāfana – ‘a e kau misinale mo e kau to’a, ke fālute ’a e fonua kotoa ‘o fakamelino pe malu’i mei ‘Olunga. ‘Oku tau kei tolonga mai ai pea ‘ikai pule kehea.
    Na’e hoko hono tautea’i ‘a Siapani mo Siamane he hili e Tau Lahi hono II, ke na tafoki ‘o langa fakaekoloa pea na hilio ai ‘o a’u pē ki he ngaahi ‘aho ni. ‘I he’eku ‘a’ahi ko e faiongoongo ‘o mamata he holo ‘a e fu’u ‘Aa Fonua ‘o Pealini ‘i he 1989 pea kamata fakataha’i e ongo Siamane he 1990, na’e talanoa mai ‘e ha ‘ofisa he Potungāue ki Muli ‘a Siamane, ko e tapuaki ‘a e holo ‘a e ‘āvahevahe he te mau fakataha ‘o kaukaua ange.
    ‘Oku hoko ‘a hono ‘akilotoa ‘o ‘Isileli ‘e hono ngaahi fili fakakaungā’api, talu mei he hono fokotu’u he 1948, ke nau fakafelāve’i ‘a e tufunga fonua, tui ‘Otua, maama fakaako mo hono ivi fakakautau ke malu’i kinautolu. ‘Ikai ko ia ka nau toe taaimu’a he langa fakaekoloa ‘i honau fonua mo tu’apule’anga ‘o hangē ko e fetakinima ‘enau kau mataotao he mala’e ‘o e komipiuta mo e ‘initaneti mo e ngaahi pisinisi lalahi ‘o ‘Amelika, pehē ki ‘Amelika Tonga mo Siaina. ‘Oku tu’ukimu’a ai mo e fakatotolo fakaako ‘i mamani ‘a e ‘Univesiti Faka-Hepelū ’o Selusalema, pehē ki he fakatotolo faka-komiputa ‘a e ‘Univesiti Fakatekinikale ko e Technion he funga Mo’unga Kāmeli ‘i Haifa. Fakatalanoa mai e ‘ofisa takimamata ‘i Selusalema he ke he’eku ‘a’ahi ki ai he 2013, “hoko e si’isi’i homau fonua mo ‘emau nofo faingata’a’ia ke mau fakakaukau fakamāmani lahi ai mo feinga ma’u pē.”

    “Tā e Lango kei Mama’o”
    Neongo ne ki’i hao ‘a Ha’apai Veu he ‘a’ahi ‘a Kita, ka koe kāinga ia kuo tahi’itoa he fe’ao mo e afā pehē ki he la’ala’ā. ‘Asili ai e iiki honau tukui motu pea vahe iiki ai honau fanga ki’i ‘api tukuhau, pea mo e toe fele ‘a vaha folau. He ‘oku ‘i ai ‘enau ngaahi fakahokohoko kupu ‘e ni’ihi felāve’i mo e ngaahi fakaevaha ‘oku pehē: ko e nofo ni ‘oku tahi mei hē pea vai mei hē. Lau mai e afā ka ‘oku mau afā kimautolu he ‘aho kotoa pē.” Fakatalutalu’aki e fakapotopoto ‘a e kāinga ko ia. Lahi e ngaahi taukei ke tau ako mei ai.
    Hangē ko ia ‘oku hā he maa’imoa ‘a e Ta’ahine Kuini kau ki he afā ’o e 1961 ‘o ne faka’anaua ki Ha’apai he mei mole hono ‘Kie Tāua’ he Fangailifuka ‘o ne folofola “Ha’apai tu’u ho’o kaimu’a.” Ko ‘ene fakamahino ki Ha’apai ko honau faiva talu mei mu’a ko e talia e faingata’a.
    Mo u fakatokanga’i ko ‘ene hola pē mei motu e kāinga mei tahi ‘i he lahi e fakaevaha, te nau piki pē ha ki’i konga fonua ‘e ma’u ‘i Tonga ‘eiki, pe ko Tukutonga, Pātangata, Sopu-o-Taufa’ahau pe ko e Fanga-o-Pilolevu, ‘o tanu pē kae’oua kuo ma’anu pea ako’i pē si‘enau fānau kae’oua kuo nau fakapotopoto pea kau atu ki he kaungā langa e kāinga mo e fonua.

    “Fakamohe mei ‘Ulu”
    Kuo tau a’u mai ki he konga hono ono ‘etau talanoa tufunga fonua. Ka ko e talu ‘etau kamata mei he konga ‘uluaki mo ‘etau talanoa ki he mahu’inga ‘o e fonua, ‘a ia ko e mo’ui fefalala’aki ‘a e kakai mo honau ‘Otua pea mo honau ‘atakai. Pea fokotu’u atu mo e fa’unga ko e Fonua Ola , ko e sīpinga langa fonua ‘e ala ‘aonga ki he taautaha mo e kāinga. ‘E toe ala ‘aonga pē ki he langa e kolo mo e fonua. Ko hono ‘uhinga he ‘oku katoi e ngaahi kupu mahu’inga kotoa ‘o e mo’ui ‘a e tangata mo hono ‘ātakai pe ‘ulufonua, kae’uma’a ‘a hono vaha’angatae mahu’inga mo hono ‘Otua, ko e Kamata’anga mo e Ngata’anga.
    Hoko e ‘a’ahi mai ‘a Kita ke tau toe nofo hifo ‘o talafili mo tālanga ki ha founga sīpinga ‘oku hoa mo taau mo ‘etau langa mo tufunga fonua ke tu’uloa.
    Ko e sīpinga langa fakalakalaka ne lahi fa’ifa’itaki ki ai ‘a Tonga he meimei vaea senituli kuo maliu atu, ‘a ia ko e ohi mei he ngaahi fonua tokua kuo fakalakalaka, kuo fakamo’oni’i ‘oku lahi hono ngaahi ‘aonga kae toe lahi ange hono ngaahi matāmama.
    Ko e taha e ngaahi tefito’i ‘uhinga ko e fu’u fakapalataha ‘a e langa ki he mo’ui fakaekoloa fakamatelie pe faka’ikonomika, kae maumau lahi ai e nofo fetokoni’aki mo fe’ofo’ofani ‘a e kāinga mo e tukui fonua. Ko e sīpinga ‘oku ne fakamu’omu’a ‘a e mo’ui fakamatelie mo e fekataua’aki ‘o fakafalala ai ke ne tufotufa tatau tokua e faingamālie.
    Ka kuo fakamo’oni’i ‘oku ‘ikai pehē. Ngaahi ‘aho ni ‘oku nofo e ki’i peseti ‘e 20 ‘o e kakai ‘o māmani mo e peseti ‘e 80 ‘o e koloa fakakatoa ‘a e māmani. Kae femolimoli’i e toenga peseti ‘e 80 ‘e kakai he toenga peseti ‘e 20. Ko e founga fefakatau’aki mo fakatupu koloa ‘oku makatu’unga he tui ko e fe’au’auhi ko e tefito’i mo’oni ia ‘o e mo’ui. Ka kuo hoko ia ke tāpalasia ai ‘a e ‘ātakai pe ‘ulufonua ke tānaki ‘a e koloa. Toe tupu ai mo e ngaahi vātamaki fakalotofonua pea mo fakavaha’apule’anga.
    Kuo hoko ia ke kapu ‘e he fakakaukau fakatupu koloa ‘a e kau tufunga fonua he ngaahi fonua lahi pea tukuhausia mo nofo-i-Lelenga honau kakai he lahi e fekolo’aki, mahamahaki honau tokolahi tupu mei he fefakatau’aki – hangē ko e tufaki e tapaka, me’akai fonu suka mo fakatupu sisino mo e kava mālohi mo e ngaahi faito’o konatapu kehe. Kuo ‘ikai toe falala ‘a e kakai ki honau kau taki pea mole ‘a e faitotonu mo e tauhi vālelei kae taki taha uku ‘ene fonu. Kuo si’aki ‘a e ngāue fakataha ki he lelei fakakatoa he kāinga mo e fonua kae takitaha sio kita pe ki he’ete lelei fakataautaha.

    “Tu’u pē Lā mo e Poupou”

    Fakatauange ke tau ako mei he ngaahi faingata’a he tukui fonua kehe ke fakatonua ai e hala fononga ‘etau langa hili e afaa, ke napangpangamālie ‘a e tapa kotoa e mo’ui he kāinga mo e fonua.
    Ka tau ‘omi mu’a ‘a e sīpinga tufunga fonua ‘o e Fonua Ola mo hono ngaahi kupu ‘e ono ke fatu ‘aki ‘etau talafili mo ‘etau tālanga mo e poupou ki he langa mo fakafo’ou e fonua.

    Fonua Ola mo hono ngaahi kupu lalahi ‘e ono
    Ko hono fakamatala’i nounou ‘oku pehe ni. Kupu 1.Paotoloaki e mo’ui fakalaumālie. ‘Oku hanga eni ki he mo’ui e loto, ‘ulungaanga mo e laumālie. Ko e fehu’i: Ko e hā ha ngaahi founga ke fakapapau’i ‘oku nofo’ia ‘e he ‘ofa faka-‘Otua, melino, fetokoni’aki mo e faitotonu ‘a e loto mo e ‘atamai e Tonga he tu’unga kotoa pea hā sino ia he ngaahi fai tu’utu’uni, pea mo e maau mo lelei pea totofu e tapa kotoa he langa mo e fakaakeake mei he afaa?
    Kupu 2. Paotoloaki e mo’ui lelei faka’atamai: ‘Oku hanga eni ki he teu’i faka’atamai mo fakaako ke maama ‘a e loto mo e ‘atamai ‘o e Tonga, pea ke ma’u ha ngāue pea mo’ui ‘aonga ki he nofo. Ko e fehu’i: Ko e hā e ngaahi founga ke fakakapau’i’aki ‘oku ‘ikai hoko e afaa ke toka e lotofo’i he kāinga, kae ma’u e loto-to’a mo e mohu ‘atamai ke fekumi ki he ngaahi founga ‘e langa ai e fonua, tautefifo ki he ngaahi founga tufunga te nau matatali e ngaahi ngaahi tauha’a ‘o e mofuike mo e afaa? Fēfē ke kamata’aki hono fakaukaua’i e lao ki he langa ke matatali e mofuike mo e afaa?
    Kupu 3. Paotoloaki e mo’ui lelei fakasino. ‘Oku hanga eni ki he mo’ui lelei ‘a e sino ko e fale ‘o e ‘atamai mo e laumālie. Ko e fehu’i: ‘E founga fēfē hono fakapapau’i ‘oku fakatupu mo’ui lelei kae ‘ikai fakatupu sisino e ngaahi me’atokoni ‘oku tufa ki he kāinga he hili ‘a e afaa? ‘E lava nai ha fetokoni’aki mo e kau hū koloa ke fakapapau’i ‘oku fakatupu mo’ui lelei ‘a e me’atokoni mo e ngaahi koloa kotoa ‘oku nau ‘omi mei tu’apule’anga?
    Kupu 4. Paotoloaki e mo’ui lelei fakaekoloa. ‘Oku hanga eni ki he mahu’inga ke ma’u e koloa he ngāue pe fakatupu koloa ke fakalato e fiema’u totonu ‘a e kāinga mo e fonua. Ko e fehu’i: ‘E lava nai ke ‘oua te tau fakamoleki kotoa ‘a e ‘ofa mo e tokoni pa’anga ‘a e kāinga mei muli ki he fakatau me’atokoni mo e kavenga kae haofaki hano konga ke kamata’aki ha’atau ngoue mo ha ngaahi ngāue fakatuku koloa te ne fakatupu ‘o liunga lahi ange ‘a e ‘ofa mei tu’apule’anga? Ko hono fakalea ‘e taha, ‘e lava nai ke tau fakapotongi e ‘ofa mei muli hotau kāinga ke ‘oua na’a tau toe fakafalala kiate kinautolu he kaha’u?
    Kupu 5. Paotoloaki e mo’ui lelei e anga fakafonua. ‘Oku hanga eni ki he mahu’inga ke tauhi e ngaahi ‘ulungaanga lelei faka-Tonga kae fakatatafe atu mo e ngaahi anga ‘oku ‘ikai toe hoa mo taau. Ko e founga tatau ke tau fai ki he ngaahi ‘ulungaanga fakafonua fo’ou ‘oku tau ohi mai mei muli. Ko e fehu’i: ‘E hoko nai e ngaahi ‘aho ‘o e fe’amokaki mo e fusimo’omo ke toe lahi ange ai ‘etau tauhi hotau ngaahi anga fakafonua lelei hangē ko e fe’ofa’aki mo fetokoni’aki pe na’a hoko ia ke mole ai e ‘ofa mo e mata-kāinga? ‘E hoko nai e faingata’a ke tau toe fakapotopoto ange ai he kaha’u, ‘o ‘ikai ‘i he faingata’a pē kae tatau pē he faingofua?
    Kupu 6. Paotoloaki e mo’ui lelei ‘a e ‘ātakai. ‘Oku hanga eni ke tauhi e ‘ātakai ‘oku tau nofo ai he ‘oku fefakafalala’aki ‘etau mo’ui fakaetangata mo e mo’ui lelei ‘a e toenga hotau ‘atakai. Ko e fehu’i: Ko e hā ha ngaahi ngāue te tau ala fakahoko ke tolonga ai e ‘ulufonua pea si’iange ‘a e maumau he ‘atakai mo toe fakafoki e fonua ki hono faka’ofo’ofa he founga ‘e maluange pea tolonga ange?
    Ko e ngaahi fehu’i ni mo e toe ngaahi fehu’i lahi kehe te tau toe ala fifili ki ai ‘e tokoni ia ki he’etau langa fo’ou mo fakaakeake e fonua. He ko e mo’ui lelei ‘a e Tonga he senituli 21 ‘e ma’u ia ‘i he napangapangamālie ‘o hono paotoloaki e ngaahi kupu kotoa ‘e ono ‘o e Fonua Ola, tautefito ki he’etau mafola mai ki muli ni ‘a ia kuo holoa ai e mo’ui fakalaumālie kae uluisino e fakamatelie he tapa kotoa pē. ‘E toe tokoni lahi foki ki he’etau fakama’opo’opo, fakaakeake, mo fakafo’ou hili e ‘aho e faingata’a.

    Kuo mā’u loloa e talanoa, kae fakatauange ke tokalingolingo e melino he fonua lolotonga e ngaahi māhina mo e ngaahi ta’u ‘etau toe fakafo’ou mo langa e fonua hili e Afaa ko Kita. Ka mou me’a ā.

    Tu’a ‘ofa atu
    ©Sione Tu’itahi 2018
    Email: stuitahi@xtra.co.nz

LEAVE A REPLY

Please enter your comment!
Please enter your name here