December a month of reminiscing and loving one another, says community leader

    Te ke lava lau e fakamatala kakato ʻa Sione Tuʻitahi ʻi he lea faka-Tonga ʻi he konga taupotu ki lalo taha hili ʻa e fakamatala fakapalangi

    December is a month of remembering the Mercy of God, socialising and a time for kāinga to love one another, said Tongan Community leader Sione Tu’itahi.

    He said this was a time to reminisce about what we did throughout the year and what we had planned ahead.

    “What was accomplished and what was not,” he wrote in Tongan.

    Tu’itahi said a good kāinga (relatives) was the foundation of a good town and nation.

    If the foundation was strong the fale (house) could withstand any strong winds, he said.

    Tu’itahi, a former Tongan journalist, lecturer at Massey University and now director of the Health Promotion Forum of New Zealand and Secretary of the Aotearoa New Zealand Tongan Church-Faith Leadership Network in Auckland, New Zealand said this in his second monthly Tongan language column for Kaniva News.

    In his first article last month, Tu’itahi wrote about the Mate Ma’a Tonga’s participation in the Rugby League World Cup tournament 2017.

    In that article he wrote the Mate Ma’a Tonga players had rekindled the kind of courage, respect and peace Tongans have whenever they were defeated in sports.

    This week Tu’itahi said he believed the kāinga was the beginning of Tongans’ country exploration, nation building, nation keeping and nation designing.

    He believed the kāinga was where the first church, first classroom and the first clinic had been built. The first church leader and teacher as well as first doctor for the children were the parents who were the key features of the kāinga.

    He said he had seen the positive outcomes of these in the many years he had been involved in international academic research and work in Tonga.

    He said many of the Tongans who were working diligently for the benefits of the country in areas such as religion, education and government were those who had been taught to know of what a good kāinga was.

    Tu’itahi said no kāinga was perfect, but kāingas who were prudent, worked hard to achieve certain goals and were patience when there were difficulties, would succeed and with that success would continue to benefit their next generations in contributing to building the nation.

    Tu’itahi said if Tongan nation builders and keepers continued to look after those successful Tongans or even foreigners who came from overseas countries to help Tonga, this would confirm an expansion of Tonga to become part of those countries.

    These good Tongans from overseas would continue to represent Tonga in sport, faiva, trades, religions and education.

    Tu’itahi said big countries like Israel, China and India invited their successful people who had been staying in overseas countries to return or just stay in their foreign countries and contribute to building their homeland.

     

    Pictures of booksʻ covers written by Sione Tuʻitahi
    Fonua Ola mo hono ngaahi konga lalahi ʻe ono

    1 COMMENT

    1. Talanoa Tufunga Fonua – Konga Ua

      Kāinga ko e kamata’anga ‘o e langa fonua
      Fa’u ‘e Sione Tu’itahi
      (Faiako, fa’u tohi mo faiongoongo pea kaungā taki he mala’e ‘o e mo’ui mo e langa fonua ‘i Aoteroa Nu’usila)

      Kuo tau tū’uta he māhina faka’osi ‘o e 2017 mo hono hala fononga. Ko e māhina ‘o e manatu ‘ofa ki he ‘Alo’ofa ‘a e ‘Otua, ko e māhina ‘o e feohi fiefia mo fe’ofo’ofani ‘a e kāinga mo fakalaulotoa e ta’u kuo teu sītu’a mo ia ‘oku hanga mei mu’a. Ko e hā e ngaahi taumu’a ne ikuna, ko e hā e ngaahi kaveinga ne ‘ikai lava. Ko e hā ke si’aki, ko e hā ke fakama’uma’uluta mo fakatolonga. Pea ‘oku tuha mo taau ke fai pehē ‘a e fāmili mo e kāinga kotoa he ko e kāinga ko e kamata’anga ‘o ‘etau langa mo tufunga fonua, pea na’a mo māmani kotoa, ‘a ia kuo ‘aukau ki ai e kāinga Tonga.

      Ko e kāinga lelei ko e fakava’e ia ‘o e kolo mo e fonua lelei. Ka kaukaua ‘a e fakava’e ‘e tu’u kalikali e fale ‘o matatali e ngaahi taufa kotoa pē. Ka ma’a ‘a e matavai ‘o e kāinga mo e fāmili ‘e inu vai ‘asinisini ‘a e kupu kotoa he mo’ui, mei he kolo ki he māmani. Ko e ‘uhinga ia na’a ku pehē ai he konga ‘uluaki ‘o ‘etau talanoa tufunga fonua, ‘a ia ne ‘osi pulusi atu he ngaahi uike kimu’a:
      “… ke fakatokanga’i ‘e he ngaahi fāmili kotoa ‘i Tonga mo tu’apule’anga ‘a e ngaahi mata’ikoloa faka’atamai mo fakalaumālie ‘oku langa’aki ‘a e fonua kotoa pe ‘i māmani, kau ai ‘a Tonga, ‘o kumuni ke hokohoko atu ’aki hotau teu’i, tautefito ki he fānau mo e makapuna Tonga kotoa.”

      Na’a ku talanoa ai ki he ngaahi ‘uhinga loloto ne tupunga ai e lavame’a ‘a e fānau va’inga ‘akapulu Mate Ma’a Tonga he fe’auhi liiki fakavaha’apule’anga. Na’a ku lave ai ki he ni’ihi ‘o e ngaahi ‘uhinga, ‘o pehē:
      “Ko e fonua mohu taleniti pea lava me’a ‘a Tonga si’i kae mo’unga-ki-he-loto, ‘o hangē pē ko ha toe falukunga kakai pe matakali ‘i māmani, neongo ko e hā honau tu’unga fakaekoloa mo honau tokolahi fakakātoa…ko e fonua loto-to’a mo poto ‘a Tonga pea ‘oku nau melino, faka’apa’apa mo fakatōkilalo ‘o tatau pē he ikuna pe tokalalo. ‘Oku ‘ikai ke nau tukulolo pe lau kafo kae lau lava. Neongo e mama mo e hopohopokia ‘oku nau lūsia kae’oua pe kuo taulanga. ‘Oku nau mateaki lῑ’oa ki he’enau taumu’a ‘o fotu ia he’enau mamahi’i mo ‘ofa fonua tupu’anga. ‘Oku nau ‘ofa he totonu kae fehi’a ki he faihala, pea ‘osikiavelenga ki he tau’atāina mo e lelei fakakatoa….”

      ‘I hono fakalea ‘e taha, ‘oku lahi e ngaahi tefito’i mo’oni mo e takiekina tu’uloa, kuo kumuni ‘e he Tonga mei he Lotu, ngaahi ‘ilo mei ‘Iulope mo māmani lahi, pea mo e poto tu’ufonua faka-Tonga, ‘o huluhulu’aki e langa mo tataki e fononga he tu’unga kotoa, kae kamata mei he taautaha mo e kāinga. Ko e ni’ihi ‘o e ngaahi mo’oni ko ia ‘oku ‘iloa ko e fāa’i kavei koula ne folofola’aki ‘e Kuini Salote ko e La’a kuo Unga Fonua. Ka ‘oku huluange ai, ‘o hangē ko e loto-to’a, fakamaautotonu, fakapotopoto, fetokoni’aki mo e fe’ofo’ofani, pea mo e taumu’a ki he lelei fakalukufua. Neongo kuo fakahoko e ngaahi fekumi mo hono faka’aonga’i, ka ko e moana loloto eni ‘i he’etau ‘ilo tu’ufonua ‘oku taau ke hokohoko atu ai e fekumi mo e toutai ‘a e kau ako mo e kau tauhi fonua ke fakakoloa’i’aki ‘aki ‘etau langa fonua he tapa kotoa.

      ‘Oku ou talanoa fiefia mo taukave’i ‘a e kāinga ko e kamata’anga ‘o e kumi fonua, langa fonua, tauhi fonua mo e tufunga fonua ‘a e Tonga he kuo te mamata tonu he ngaahi ta’u lahi he fai fatongia ‘i Tonga mo fakatotolo fakaako foki ‘i tu’apule’anga he ola lelei ‘o e ngāue ‘a e Tonga ‘i he fa’unga ‘o e kāinga. Ko e tokolahi ‘o hotau kaungā fononga mo fai fatongia ‘oku mateaki’i e lelei fakakatoa ‘a e fonua he ngaahi tapa kehekehe – mei he lotu, ako, pule’anga mo e fonua – ko e fa’ahinga na’e fakalekesi he kāinga lelei. Mahino ‘aupito mei he ngaahi fekumi ko ia mo e ngaahi fakatotolo lahi kehe, ‘a e ngaahi mo’oni ko eni:

      • Ko e kāinga ko e ‘uluaki falelotu ia;
      • Ko e kāinga ko e ‘uluaki faleako ia
      • Ko e kāinga ko e ‘uluaki fale fakamo’ui ia;
      • Pea ko e ongo ‘uluaki takilotu, ongo ‘uluaki faiako mo e ongo ‘uluaki fakamo’ui ‘o e sino, ‘atamai mo e laumālie ‘o e fānau mo e kupu kotoa ‘o e kāinga ko e ongo mātu’a, ‘a e tamai mo e fa’ē ’oku fita he lea mo e to’onga mo’ui ‘oku tāsipinga.

      He’ikai foki ma’u kakato ‘a langi ‘i māmani, ‘o hangē pē ko e ‘ikai ma’u ‘a e haohaoa ‘i he kāinga ‘i ‘api. Ka ko e me’a ‘oku mahino, ‘ilonga ‘a e kāinga ‘oku fakapotopoto mo faka’utumauku he feinga pea fakama’uma’uluta ‘enau taumu’a ke folaua, pea kῑkῑtaki pē neongo e afā mo e hou moana, ‘e tau fonua ia pea hoko honau hako mo e hako ko e kau langa e fonua mo tufunga’i e hala fononga.

      Ni’ihi he ngaahi to’utangata, kuo nau kapa atu ki māmani lahi he ‘aukau ‘a e Tonga ki tu’apule’anga, ‘o nau hoko atu ai e langa fonua tatau. Pea kamata ke foki honau ni’ihi ‘o tokoni ki Tonga. Ko e ni’ihi ‘oku fai fatongia lelei ‘i tu’apule’anga kae kaauvaha ‘enau ‘ofa mo honau poto mo e ivi fakapa’anga ke langa ‘a Tonga monū’ia. Pea ko e ngaahi ‘ofa mei muli ko ia, ‘oku kaunga lahi ki he kei ma’anu ‘a e fonua he tu’unga fakaekoloa mo e ngaahi tapa kehe ‘o e nofo ‘a kāinga.

      Tukukehe ange ‘a e tokoni ‘a e ‘ofa-mei-muli ke vahevahe tatau ‘a e tu’unga fakaekoloa ‘o māmani lahi, ka ko e kāinga Tonga mei tu’apule’anga ko e kau ‘folau’eve’eva ‘ofa fonua mo’oni’ kinautolu ‘oku fie foki ki honau tupu’anga. ‘Oku nau foki ki ‘api mo ‘enau ‘ofa mo mamahi’ifonua ‘o kau he langa fonua. Ka tokanga’i lelei kinautolu ‘e he kau tauhi mo e kau tufunga fonua ‘oku pukepuke ‘a Tonga, ‘e hoko ‘a e kāinga Tonga ‘i tu’apule’anga ko e fakalahi fonua lelei ‘o Tonga pea ko e kau fakafofonga lelei ‘o Tonga he tapa kotoa – mei he sipoti, faiva mo e fakatupukoloa, ki he lotu, ako, mo e langa pule’anga. Kuo ‘osi fakamo’oni’i ‘a e hala fononga ko eni ‘e he ngaahi fonua ‘mata-poto pea loto-poto’ hangē ko ‘Isileli, Siaina mo ‘Initia. ‘Oku nau fakaafea he founga fakapotopoto honau kakai ‘i tu’apule’anga ke foki pe kau mei muli ki he langa fakalakalaka fakakatoa ‘o e fonua.

      Ne u lave lahi ki he kaveinga ni mo hono ngaahi kupu mahu’inga ‘e ni’ihi ‘i he’eku ngaahi fekumi kuo paaki he ngaahi tohi ‘e tolu ko e: Ikuna e Tonga ‘I Aotearoa (1998), Langa Fonua: In Search of Success (2009), pea mo “Tōkanga Ko e Mo’ui’anga (2016). Fetu’utaki mai he’eku email ‘i lalo ki ha toe fakaikiiki ‘o e ngaahi tohi ni. Ka ko e tohi fakamuimui ki tōkanga (2016) ‘oku ma’u atu ia ‘i Nuku’alofa mei he Falekoloa ‘o Tupou Tatafu Pālelei he Hala Sālote ‘i Fongoloa, Fasi-moe-afi. Vakai ki he tā ‘i lalo:

      Ko e mahu’inga ‘o e ‘ilo tu’ufonua mo e fakakaukau ‘o e Fonua

      Ko ‘etau talanoa langa fonua foki eni. Ko ia te u kamata lave heni ki he mahu’inga ‘o e lea ko e fonua, neongo te u toki fakaikiiki ‘i he’etau talanoa hono tolu. Hili ‘eku ngaahi fakatotolo mo e poupou ‘a e ni’ihi kehe ‘o mahino ‘a e loloto mo e mahu’inga ‘o e fakaukau ‘o e fonua, na’a ku fokotu’u atu ‘i he 2007 ki he mala’e ‘o e ako mo e mo’ui ‘i Nu’usila ni ‘a e sīpinga pe fa’unga tu’ufonua faka-Tonga ke faka-fōtunga’aki ‘a e anga ‘o e feinga ke tokoni’i e kāinga Tonga mo e kāinga Pasifiki kehe. Na’a ku ui e fa’unga ko ia ko e Fonua. Kuo pulusi eni he tohi ako ki he mo’ui ‘a e ‘Univesiti ‘o Otago ko e ‘Promoting Health in Aotearoa New Zealand’ (2015)pea kuo lahi hono ngāue’aki ki he fekumi fakaako ‘a e fanauako he ngaahi ‘univesiti, pehe ki he kau ngāue he mala’e ‘o e ako mo e mo’ui lelei. Na’a ku toe fakalelei kimui ni mai ‘o ui ko e Fonua Ola, pea ‘i ai mo hono ngaahi kupu mahu’inga ‘e ono ‘o hangē ko ia ‘oku hā he fakatātā fika 1 ‘i lalo. ‘Oku makatu’unga foki he ngāue ni ‘a e Kaveinga Folau Lahi ko e Fonua Ola ‘a e Tākanga ‘a e Kau Taki Lotu Tonga ‘i Aotearoa Nu’usila.:

      Fika 1: Fonua Ola mo hono ngaahi kupu lalahi ‘e ono
      ©S Tu’itahi 2017
      Kataki vakai ki he fakatātā ʻi ʻolunga hili e ongoongo fakapalangi

      Ko hono fakamatala’i nounou ‘oku pehe ni. 1.Paotoloaki e mo’ui fakalaumālie. ‘Oku hanga eni ki he mo’ui e loto, ‘ulungaanga mo e laumālie. 2. Paotoloaki e mo’ui lelei faka’atamai: ‘Oku hanga eni ki he teu’i faka’atamai mo fakaako ke maama ‘a e loto mo e ‘atamai ‘o e Tonga, pea ke ma’u ha ngāue pea mo’ui ‘aonga ki he nofo. 3. Paotoloaki e mo’ui lelei fakasino. ‘Oku hanga eni ki he mo’ui lelei ‘a e sino ko e fale ‘o e ‘atamai mo e laumālie. 5. Paotoloaki e mo’ui lelei fakaekoloa. ‘Oku hanga eni ki he mahu’inga ke ma’u e koloa he ngāue pe fakatupu koloa ke fakalato e fiema’u totonu ‘a e kāinga mo e fonua. 5. Paotoloaki e mo’ui lelei e anga fakafonua. ‘Oku hanga eni ki he mahu’inga ke tauhi e ngaahi ‘ulungaanga lelei faka-Tonga kae fakatatafe atu mo e ngaahi anga ‘oku ‘ikai toe hoa mo taau. Ko e founga tatau ke tau fai ki he ngaahi ‘ulungaanga fakafonua fo’ou ‘oku tau ohi mai mei muli. 6. Paotoloaki e mo’ui lelei ‘a e ‘ātakai. ‘Oku hanga eni ke tauhi e ‘ātakai ‘oku tau nofo ai he ‘oku fefakafalala’aki ‘etau mo’ui fakaetangata mo e mo’ui lelei ‘a e toenga hotau ‘atakai.
      Ko e fa’unga ko eni ‘oku ne kātoi kotoa e ngaahi kupu mahu’inga ‘e ono ‘o e mo’ui ma’a e Tonga, mo ha toe matakali pē. Pea ko e mo’ui lelei ‘a e Tonga he senituli 21 ‘e ma’u ia ‘i he napangapangamālie ‘o hono paotoloaki e ngaahi kupu ni kotoa, tautefito ki he’etau mafola mai ki muli ni ‘a ia kuo holoa ai e mo’ui fakalaumālie kae uluisino e fakamatelie he tapa kotoa pē.

      Ko e tapa mahu’inga ‘e taha ‘o e fa’unga ko eni e Fonua Ola, ko e ngaahi fungavaka ‘e lava ke faka’aonga’i ai. ‘Oku ala kamata pē mei he taautaha, hoko atu ki he kāinga, pehē ki he kolo mo e fonua. Pea kapa atu ki māmani kotoa. He ko e ngaahi me’a ‘oku ne uesia ‘a e mo’ui he tu’unga faka-māmani lahi, ‘oku ne toe uesia fakahangatonu pē ‘a e nofo fakakolo mo e fāmili. ‘O hangē ko e tāpalasia hotau ‘ātakai, fe’amokaki he fekatau’aki, mafola e ngaahi mahaki, maumau lao mo fetuku holo e mahafu tau, lau lanu, fakaehaua, mo e lahi e fekolo’aki.

      ‘Oku ‘ikai fo’ou ‘a e fa’unga ni ki he tokolahi. He ko hono mo’oni, kapau te tau vakai ofi kihe ngaahi kāinga Tonga kuo lalaka ‘enau fononga he ako, lotu mo e ngāue mo e ngaahi tapa kehe ‘o e fonua, ‘oku fa’ofale he’enau ngaahi founga ‘a e ngaahi founga mo e ngaahi kupu mahu’inga ‘o e Fonua Ola. ‘I hono fakalea ‘e taha, kuo ‘osi fakamo’oni’i ‘e he tokolahi ia hotau ngaahi kāinga ‘a e mo’oni ‘o e fa’unga ‘o e Fonua Ola, ‘o hangē ne hā he’eku fakatotolo ‘oku pulusi he ongo tohi, Ikuna e ‘Tonga ‘I Aotearoa’ (1998) mo e Langa Fonua: In Search of Success’ (2009).

      Ka kuo ngali ma’u loloa e pōtalanoa mo e fakahoha’a, kae fakamanatu faka’osi atu mu’a ‘etau kaveinga. Ko e kāinga ko e kamata’anga ia ‘o ‘etau langa fonua. Hulu ‘ānoa e ngaahi mata’i koloa faka’atamai mo fakalaumālie mei he lotu, ako mo ‘etau ‘ilo tu’ufonua ke pukepuke-‘a-fufula ‘o hoko atu ‘aki ‘etau taki hala fononga ki he Fonua Ola mo’oni he tapa kotoa. ‘O tatau pē ki he kāinga kotoa ‘i Tonga mo kinautolu ‘i tu’apule’anga.
      Kimu’a ke tau māvae, ‘oku ake e manatu ki he lau ‘a e ongo mātu’a tauhi fonua ko Pouvalu mo Tufunga-i-Lautala mei he Maka-ko-Fele’unga, na’a na tukuhua he ‘ilo kava ‘e taha ‘I motu ‘o pehē : Mālō kuo lava e talanoa, ka mou mātuku atu ā ‘o ngāue’i e kaveinga, kae’oua kuo tau toli hono ngaahi fua.
      Te u tali fiefia ke talafili mo ha ni’ihi ‘oku nau fie hoko atu e tālanga he ngaahi kaveinga ni. Fetu’utaki mai pē ‘i he’eku email.

      Fakatauange ke mou ma’u ha ngaahi ‘aho lotu melino, malu mo fiefia. Ka tau toki felongoaki ki he ta’u fo’ou 2018 monū’ia. ‘I he ‘alo’ofa ‘a e ‘Otua.

      Tu’a ‘ofa atu

      ©Sione Tu’itahi, 2017
      Email: stuitahi@xtra.co.nz

    LEAVE A REPLY

    Please enter your comment!
    Please enter your name here